بعض النكت المضحكه على الناس كلها(اغبيه-بلديتنا-كوره........)
--------------------------------------------------------------------------------
نبدا اولا :
نكت الاغبياء
الأغبياء
مرة واحد واقف قدام التلاجة بيفتح الباب بتاعها براحة
ويقفلة تانى جه صاحبه و قاله ليه كدة قاله اموت واعرف مين بيطفى النور من جوة
********************
غبى لقى أتوبيس مكتوب عليه السيدة زينب - قلع الجزمة و ركب
********************
واحد غبى راح لواحد بياع تيليفزيونات بيسأله عندك تليفزيونات ملونة البياع قال له ايوه راح قايله ادينى واحد أخضر
********************
أغبيه راحوا يلعبوا بلياردو، واحد منهم وقف فوق الطرابيزة وقال لهم انا الجوووون
********************
غبي داخل سينما لقى مكتوب ممنوع الدخول لأقل من 18 راح جاب 17 واحد
********************
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم اردم
********************
اتنين راكبين القطر المكيف ... الأول بيقول : أنا بردان من التكييف .... التانى قال له : و انا عبدالله من المنصورة.....!
********************
واحد رجع من السفر لقى الشقه مليانه صراصير .... غير قفل الباب
********************
مره واحد غبى لقي المصباح السحري العفريت ساله شبيك لبيك عايز ايه قالو عايز كوبري يوصل بين فرنسا و السعوديه قاله العفريت لا ده طلب صعب اوي قاله خلاص عايز ابن عمي الي في الجامعه الامريكيه ينجح قال العفريت للسعودي عايز الكوبري رايح ولا جاي ولا في الاتجاهين
********************
مرة واحد كان هيتعدم فاول ما حطوا الحبل على رقبته قعد يزعق شالوا الحبل وسالوه مالك قالهم اخص عليكوا كنت هتخنق
********************
مرة واحد غبى لقى عشرة جنية على الارض خدها وحط خمستين
---------
مرة عشرة اغبياء مشيين ورا بعض وقعوا فى حفرة واحدة
********************
مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
********************
واحد وضع القلة على الشباك لكى تبردواتكسرت من شدة الهواء فتح التليفزيون سمع عبد الحليم حافظ يقول الهوا هاوانا قال له هات ثمن القلة
********************
مره واحد ومراته قاعدين في الطياره فالراجل قال لمراته روحي هاتيلي اشرب فراحت جابتلوه ميه بعد شوية قالها روحي هاتي اشرب فراحت ومجبتش قالها فين الميه قالتلوه اصل الزير الي كنت بجبلك منه لقيت واحد قاعد عليه
********************
مرة واحد احول وواحد اهبل فتحوا محل فول و طعمية الاحول كل لما يحمر الطعمية يرميها الناحية الثانية و الاهبل يقول تشششششش
********************
مرة ثلاثة راكبين عربة فالعربة أطعتلت واحد نزل يشوف العربية عطلت ليه فا تأخر فنزل الثانى فا تأخر فنزل الثالث قال لهم لماذا تأخرتم قالوا شششش العجلة نايمة
********************
مرة واحد دخل على مراته الغرفة بتاعتها فلقى مراته نايمة مع واحد على السرير فقالها يا خاينة وراح طلع المسدس علشان يقتلها فراح الراجل قاللوا معاك الكاميرا الخفية فقال ياه دي خامس مرة يعملوها فيا .
********************
اربعة اغبياء عملوا عملية اختطاف فتاة ووقفوا تاكسى فسائق التاكس قال لهم: التاكسى دة اربعة راكب بس قامو سابو الفتاة و ركبو هما
********************
واحد ندل بيعلم اولادة الندالة وهو بيموت قالهم الندالة ثم الندالة ثم الندالة مات رموا من ا لشباك
********************
مرة اثنين واحد اعمى وواحد اعرج عايزين يقطفو البلح اللى على النخلة راح الاعرج قال للاعمى افتح جلبيتك علشان ارميلك القطوف قال ماشي راح الاعرج طلع شوية راح وقع في حجر الاعمى قال الاعمى يسعد دينك كمان قطف
بلديتنا
--------
في سـمكـتـيـن طاحتا في شبكة صياد قالت وحدة للثانية رحنا تونا
واحد بلديتنا رايح البنك وواخد حبل معاه فواحد بلدياته قاله هتعمل ايه يامجنون قالوا هاسحب الرصيد
********************
اتنين بلديتنا دخلوا الجيش الاول الضابط بيسأله اسمك ايه قاله
محمدين
سأله الضابط ايه اللى فى ايدك دى
قاله "بندجية" رد الظابط وقال لا دى مراتك وشرفك وبلدك .
سابه وراح للى جانبه وقاله اسمك ايه
رد وقال حسنين
قاله ايه اللى فى ايدك دى
قاله مرات محمدين
********************
واحد بلديتنا وواحد امريكي الامريكى قال لبلديتنا وصلتوا فين بالتطور رد وقال
ياعم تطور ايه دا احنا رجعنا لورا ثم سأل بلديتنا الامريكي انتوا وصلتوا فين بالتطور؟ الامريكي قاله احنا وصلنا بالتطور اذا القمر الصناعى عطل في السما نقدرنصلحه بلديتنا فكر شوية و قال يااااااااااااااه هو المفك بتاعكم طوله أد ايه
********************
اثنين بلديتنا هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل بلديتنا
الأول وسأله البحراوي:حاجه بنلبسها لونها أسود وليها رباط
فجاوب بلديتنا :جزمه طبعآ
فرد البحراوي عليه:شكلك هتخلينا نغير تفكيرنا نادي على زميلك ألي بره
بلديتنا وهو خارج همس في ودان زميله وقال له:هيسألك عن الجزمه
سأل البحراوي الثاني حاجه لونها أسود بتتألي في الزيت وبتتاكل أه هيه؟
رد بلديتنا :برباط يا بيه!!!
قاله البحراوي:لأ
رد بلديتنا : تبجى بلغه يا بيه
********************
مره واحد بلديتنا لقى حرامى فى بيته فالحرامى خد التلفزيون
وطلع يجرى قام بلديتنا جرى وراه عشان يديله الريموت
********************
واحد الماني اخترع جهاز قياس الكذب فحب يجرب الجهاز فجاب واحد ياباني وواحد انجليزي وواحد امريكي وواحد من بلديتنا
فقعد اول واحد الياباني وقال انا بفكر اعمل مكتبه بتطير فزمر الجهاز فطلعوه بره كداب وقعدوا الانجليزي فقال انا بفكر اعمل جزمه بها محمول فزمر الجهاز كداب فقعدوا الامريكي فقال انا بفكر اعمل جذمه بتمشي لوحدها فزمر الجهاز كداب فقعدواا بلديتنا فقال انا.... بفكر ..... فزمر الجهاز كداااااااااب
********************
مرة واحد بلديتنا حب يعمل روش
كتب على الشومة أديداس
********************
مرة واحد بلديتنا مابيكلش الا مش طول الليل و النهار فطار غدا عشا ياكل مش الشيطان طلع قالة ابوس رجللك سمى
********************
يه بلديتنا بياخد معاه سكينة؟؟
عشان يشق طريقه
********************
واحد بلديتنا حب يعمل ارهابى خطف ابنه محدش سال عليه قتله
كورة
فيه نمله ماسكه راسها ليه؟؟مضيعه بلنتي
********************
مرة واحد مسطول بيلعلب كورة اخد الكورة على صدرة طلعها من مناخيره
********************
لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقوا يشجعوك
********************
لاعب كرة قدم تزوج لاعبة كرة قدم جابوا طفل سموه جول راحوا يسجلوه طلع تسلل
********************
مره واحد لعيب كوره روح البيت متاخر مراته طلعت له الكارت الاحمر
********************
مرة واحد زملكاوى اشترى كيكه طلعله فيها متعب وابو تريكه
********************
واحد سنى بيحكم ماتش كوره ........لاعب شاط الكره جنب العرضه الشيخ حسبها جون ..... سألوه ليه ؟..... قال (انما الاعمال بالنيات ) هو كان نيته تيجى جون .............
********************
حكم كوره أعد على قهوه ... طلب واحد صفر
الجمعة نوفمبر 18, 2011 12:44 pm من طرف شيكو
موضوع: بعض النكت المضحكه على الناس كلها(اغبيه-بلديتنا-كوره........)